Posts

Showing posts from August, 2023

260. NOWE WEKA MŨNDANGĨĨI

   NOWE WEKA MŨNDANGĨĨI (Only thee my soul’s redeemer) 1. Nowe weka mũndangĩĩi Nowe weka, ndĩ na ũngĩ Kũkũ nthĩ kan’ ĩtunĩ Wa kũndethya ĩndĩ yonthe Mwovosya, nowe weka.  We weka , we weka Nowe weka , mũndangĩĩi 2. Nowe weka, ndi na ũngĩ Wa kũnzũvĩaa nĩ kũũ.  Mwĩaĩi, ndongoesya,  Ndikae maũndũnĩ mai.  3. Nowe weka , ndi na ũngĩ Wa kũthambya ngoo yakwa; Ndi na ũngĩ, na ndikwenda,  Nowe weka, mũndangĩĩi.  4. Nowe weka, ndi na ũngĩ; Nthakame yetĩkie Ya kũnthambya naĩ syakwa.  Nĩw’o ngavik’ĩtunĩ.  (Amen)

261. NDŨKETHIWE NA KWĨMAKĨA

   NDŨKETHIWE NA KWĨMAKĨA (Be not dismayed, what’er betide) 1. Ndũkethĩwe na kwĩmakĩa,  Ngai akakũsũvĩaa,  ĩkalaa wendonĩ wake,  Akakũsũvĩaa.  Akakũsũvĩaa,  Myũnthĩ yonthe, kũndũ kwonthe; Ngai akakũsũvĩaa,  Akakũsũvĩaa.  2. Yĩla ve woo ngoonĩ yaku,  Ngai akakũsũvĩaa; Ethw’a ve mbanga na kĩkw’ũ Akakũsũvĩaa.  3. Yĩla wĩtiwa wĩ weka Ngai akakũsũvĩaa; Akakwĩkalya na mũuo,  Akakũsũvĩaa.  4. O na maũndũnĩ onthe,  Ngai akakũsũvĩaa; ĩkĩĩa w’o ũkamanya Akakũsũvĩaa.  (Amen)

262. ŨNGAMA NA ŨLA W’O

  ŨNGAMA NA ŨLA W’O (Dare to be a Daniel) 1. Ũngama na ũla w’o Mathonĩ ma Ngai; O na wĩ matatwanĩ,  ĩthwa ta Ndanieli! Wĩthĩwe na ũkũmbaũ O ta Ndanieli; 2. Ve amwe me na vinya,  Na nĩmaĩte: Vinya woo tiwo wa Ngai Ti ta wa Ndanieli.  3. Ngũmbaũ mbai na syĩ vinya Niemawa vyũ,  Ite na wĩkwatyo ũũ,  Ũla wa Ndanieli.  4. Ũkĩlyai kĩvevelo,  Kya kũsinda naĩ: Satani nĩ mũsinde: Tũtaĩei Ngai waitũ.  (Amen) 

263. ILINGI SYA THAYŨ WAKWA

   ILINGI SYA THAYŨ WAKWA (He will hide me) 1. Ilingi sya thayũ wakwa,  Na matatwa nĩ kũkũ nthĩ,  Nĩ ngũmantha va kwĩvitha,  Vala ve kwoko kwa Ngai Akambitha, akambitha Vala vatokaa mĩisyo Akambitha, akambitha,  Vala ve kwo’ko kwa Ngai.  2. Mokan’yo amwe nĩ ma Ngai,  Nzyoke nzĩanĩ yake,  Ĩndĩ kwa wendo ti ũthatu,  Angan’ye naĩnĩ syakwa.  3. Amaitha mambũkĩa Satani na ala make,  Mwĩaĩi akandethya kwamo,  Nose thayũ ũtathela.  4. Nayu nguĩte ngelan’yo,  Ngĩkomana na ilingi,  Nyie ndikona mũisyo nongi,  Nũndũ nĩ kana ka Ngai.  (Amen) (He will hide me) 1. Ilingi sya thayũ wakwa,  Na matatwa nĩ kũkũ nthĩ,  Nĩ ngũmantha va kwĩvitha,  Vala ve kwoko kwa Ngai Akambitha, akambitha Vala vatokaa mĩisyo Akambitha, akambitha,  Vala ve kwo’ko kwa Ngai.  2. Mokan’yo amwe nĩ ma Ngai,  Nzyoke nzĩanĩ yake,  Ĩndĩ kwa wendo ti ũthatu,  Angan’ye naĩnĩ syakwa.  3. Amaitha mamb...

264. ŨNGAMAI NA VINYA

 ŨNGAMAI NA VINYA (Standing on the promises) 1. Ũngamai na vinya vala ve Mwĩaĩi,  Mũtekũkuswa nĩ maũndũ ma nthĩ ĩno,  Kwondũ wa ũtheu wake nĩ tũkwina Ũngamai na ũkũmbaũ kwa Mwĩaĩi.  Ũkai, ũkai Kwa Mwĩaĩi Yesũ vena ũthũmũo Ũkai mwose,  Thayũ ũtathela kwa Mwĩaĩi Yesũ.   2. Ngĩũngama kwa Mwĩaĩi ndikakĩa,  O na itundumo sya ũla mũmaitha,  nĩnĩsũvĩw'e wĩkalo ĩtunĩ,  Ngaũngama n’ ũkũmbaũ kwa Mwĩaĩi 3. Ngĩũngama na wĩkwatyo nĩngwona,  Nthakame yake nĩyo yanthooie,  Nĩnthaĩtw’e vyũ kuma ũkombonĩ,  Nĩũngyĩ na ũkũmbaũ kwa Mwĩaĩi.  4. Tũũngamei ithyonthe kwa Mwĩaĩi waitũ Tũnenganei ngoo sitũ kwa Asa Ngai Veva mũtheu nĩwe mũtũmanyĩsya,  Tũũngamei n’ũkũmbaũ kwa Mwĩaĩi.  (Amen)  

265. MŨSYAĨĨSYEI YESŨ KLĨST

 MŨSYAĨĨSYEI YESŨ KLĨSTO (Look unto me and be saved) 1. Mũsyaĩĩsyei Yesũ Klĩsto,  Nũndũ nĩ Mũtangĩĩi,  Nĩwakw’ie ngelanyonĩ,  Athesya ngoo yakwa.  4\4 Mũsyaĩĩsyei Yesũ Klĩsto,  Nĩwe wĩna wovosyo,  Nake nĩ Ngai vati ũngĩ,  Mũsyaĩĩsyei mũtangĩĩwe.   2. Mũsyaĩĩsyei ngelan’yonĩ Ethwa wĩ mwene naĩ.  Nĩvo watũkwĩĩie ithyĩ,  Naĩ syonthe ithew’e.  3. Ĩndĩ nĩwathayũkie,  Nayu e ĩtunĩ,  Mumo na mũuo woneke,  Na kũtũsũvĩa.  4. Mũsyaĩĩsyei vate nzika,  Ũkoona ũtethyo,  Wendo wake ndũkathela,  Nũkwĩanĩe yu.  (Amen)  

266. NĨŨNGYĨ MATHONĨ MA NGAI

   NĨŨNGYĨ MATHONĨ MA NGAI (Standing on the promises) 1. Nĩũngyĩ mathonĩ ma Yesũ Klĩsto,  Ndaĩa na ngatho syonthe nĩmũnenge,  Ndaĩa sya ĩũlũ nyie ngakũsĩĩa,  Nĩũngyĩ mathonĩ ma Ngai.  Nĩ nĩũngyĩ Nĩ nĩũngyĩ mathonĩ ma Ngai mũndangĩĩi,  Nyie nĩũngyĩ mathonĩ ma Ngai.  2. Nĩũngyĩ mathonĩ ala mate ndĩi,  Yĩla itulumo sya nzika syooka,  Kwa ndeto ya Ngai yĩ thayũ ngakĩlya,  Nĩũngyĩ mathonĩ ma Ngai.  3. Nĩũngyĩ mathonĩ nyie nĩngwona yu,  Ũthesyo wa naĩ syakwa nthakamenĩ,  Nĩũngyĩ ũthasyonĩ wa Mwĩaĩi,  Nĩũngyĩ mathonĩ ma Ngai.  4. Nĩũngyĩ mathonĩ ma Mwĩaĩi Yesũ,  Nĩnake nĩtwovanĩtwe nĩ wendo,  Ethwa ngaũngamaa mathonĩ.  (Amen)

267. WEKANĨWA, WEKANĨWA NA NTHĨ ĨNO

   WEKANĨWA, WEKANĨWA NA NTHĨ ĨNO (Count your blessings) 1. Wekanĩwa wekanĩwa na nthĩ ĩno,  Ndũkakw’e ngoo Ngai nĩ mũnene,  Maũathimo maku tala ũmwe kwa ũmwe Naku ũkamona nĩ ũseng’yo vyũ.  Maũathĩmo ala twĩ namo,  Nĩ maingĩ maumaa kwa Ngai,  Tala onthe ũmwe kwa ũmwe,  ũkaseng’a mũno nũndũ meana.  2. Nũnoetw'e nĩ mũio wa naĩ? Nũthĩnĩtw'e nĩ maũndũ ma nthĩ ĩno? Tala maũathimo nzika niũthela,  ũka ngelan’yonĩ na nũkũthũmũa.  3. Woona ala angĩ mena syĩndũ syoo,  Ndũkakw'e ngoo Ngai nĩ mũnene,  ũthwii ũtanangĩkaa Ngai nũtwiĩe,  Mũsyĩ na mĩthĩnzĩo yaku syĩ ĩtunĩ.  4. Wookĩwa nĩ matatwa ma satani Mwĩkaĩle Ngai akakũtethya,  Tala maũathimo nzika niũthela,  Ngai akakũnenga wĩthwe n’ũtonyi.  (Amen)

268. NDI NA KĨNDŨ NĨKWATĨTYE

  NDI NA KĨNDŨ NĨKWATĨTYE (My hope is built on nothing less) 1. Ndi na kĩndũ nĩkwatĩtye; No nthakame ya Mũtangĩĩi Ndi moseo meanĩe,  Kana nĩekewe wathe.  Nĩnĩũngamaa kwa Klĩsto; Nĩwe ĩvia ĩlũmu.  ũũngamo ũla mũlũmu 2. Nzĩa ndaasa nĩendelaa,  E vamwe nakwa akĩndwaa,  Na naĩ sya nthĩ ikĩngũsya,  Vinya wake nũndethasya.  3. Nthakame yake ĩla ntheu,  Noyo ĩtheasya wathe ,  Nĩ nanga ĩnũnũmĩlye.  Kyeva ndi nakyo, nĩ wake.  (Amen) 

269. NTHWAUNĨ SYAKE

 NTHWAUNĨ SYAKE (Under His wings) 1. Nthwaunĩ syake nĩnĩvithĩte yuyu,  Mathĩna ma nthĩ manene me kũũ,  Matikambona kĩmbithonĩ kyakwa,  Nthwaunĩ sya Yesũ, Mũtangĩĩi wakwa Kĩmbithonĩ nthwaunĩ syake Vinya wake nĩ mũnene Amaitha matikambona,  Nĩsũvĩawa nĩ Yesũ 2. Twĩ kũkũ nthĩ amaitha n’ aingĩ Matũthĩnasya ngoonĩ o na mwĩĩ,  Kũũ twĩ athĩni n’ aendi ma kyalo,  Tũkathũmũa twavika kwake.  3. Nthwaunĩ sya Yesũ ve mwanya mũnene,  Ũkai mũlike kĩmbithonĩ kyu,  Akakũtangĩĩa na kũsũvĩa,  Ũmine kyalo kyaku kya nth’ĩno.  (Amen)  

270. NĨNGŨKWĨKWATYA MWĨAĨI YESŨ

 NĨNGŨKWĨKWATYA MWĨAĨI YESŨ (I am trusting thee, lord jesus) 1. Nĩngwĩkwatya Mwĩaĩi Yesũ,  Yesũ wĩ weka,  Nĩngwĩkwatya ũtangĩĩo,  Waku vyũ.  Nĩngwĩkwatya ũndekee,  Kwaku nĩngũka; Ũseo waku, tei mũnene,  Nĩngwendaa.  2. Nĩngwĩkwatya ũnthambasye,  Nthakamenĩ yaku,  Nĩ kana nyie ũla mũthũku Nĩthew’e vyũ 3. Nĩngwĩkwatya ũmanyĩsye,  Ũndongoesye,  Mĩthenya yonthe nũmbĩanĩasya Mavata.  4. Nĩngwĩkwatya vinya waku,  Ũsu ndũthelaa; Ndeto ila ũkũnenga Itw’ĩke taa.  5. Nĩngwĩkwatya Mwĩaĩi Yesũ,  Ndikasyokeewe,  Nĩngũlũmya tene na tene Matho maku.  (Amen)  

271. TEI ŨTATHELAA NA WENDO

   TEI ŨTATHELAA NA WENDO (He will hold me fast) 1. Tei ũtathela na wendo Syĩna Yesũ tũ; Nakwa ndikatiwa nĩwe,  Mwovosya wakwa.  Nĩw’o nĩ nake,  N'akanzũvĩaa Nũndũ Yesũ nũmbendete,  Akanzũvĩaa.  2. Nyie nditonya kwĩyĩũngamya Na vinya wakwa; Wendo wakwa no ũthela,  Wake ndũkathelaa.  3. Nũmbendete mũno, mũno,  Na ndakandekya,  Nĩnatangĩĩwe nĩ Yesũ,  Mwovosya wakwa.  4. Ndakandeka ndikese kwaa,  Nĩ nake oyu: Yesũ nĩwe wa nthooie Na nthakame ntheu.  (Amen)

272. NGOO YAKU YETHWA NA KYEVA

    NGOO YAKU YETHWA NA KYEVA (Don’t you know He cares) 1. Ngoo yaku yethwa na kyeva,  Kwa ũito wayo; Mĩtwaĩe Mwĩaĩi Yesũ,  Ndwĩsĩ nũsũvĩaa? Ĩĩ ve ũmwe, ũkuaa mathĩna: Maku na kyeva; Thi ũkon’ye Yesũ onthe,  Ndwĩsĩ nũsũvĩaa? 2. Kyeva na maũndũ mathũku,  Nikũkwatĩte; We ndatonya kũlwa nue,  Ndwĩsĩ nũsũvĩaa? 3. Kaĩ ũlikĩte mĩkwanĩ,  Ya ũla mũmaitha,  Ve ũmwe wakw'ĩe akũtangĩĩe,  Ndwĩsĩ nũsũvĩaa? 4. Mwĩĩ waku wĩna mowau,  Na kyalya kingĩ; Yesũ athĩnie ata? Ndwĩsĩ nũsũvĩaa? (Amen)

273. OTA KANA NĨNANGANGAA

     OTA KANA NĨNANGANGAA (Like a way-ward child) 1. Ota kana nĩnangangaa,  Kuma kwa Asa mũsyĩ Yu nĩngwĩw’a wasya wake Na nĩnenũka mũsyĩ.  Nyie nĩnenũka yu,  Ndikasyoka kwangangaa,  Nĩna ngoo mbathe ya kyeva,  Na nĩnenũka mũsyĩ.  2. Nangangĩle kĩvindunĩ,  Nzĩanĩ ĩte mũtethya,  Asa nĩwanzũvĩie,  Ndaenda kũndia nyie.  3. Mathĩna amambeteele,  Makathela onthe vyũ,  Navika kwa Asa mũsyĩ,  Vala nyie ngathũmũa.  4. Nĩngũmwĩtya ũekeo,  Wa mothũku a neekie,  Ambose na kũndekea.  Kwondũ wa mwana wake.  (Amen)

274. YESŨ NĨWE ĨVIA ĨLŨMU

   YESŨ NĨWE ĨVIA ĨLŨMU 1. Yesũ nĩwe ĩvia ĩlũmu,  Yesũ nĩwe ĩvia ĩlũmu.  Waaka ĩũlũ wa ĩvia yu? Satani ndakaũkwata.  Satani e na vinya kũkũ nthĩ,  Satani e na vinya kũkũ nthĩ,  Ĩndĩ kwa Yesũ ndena ũtonyi; Vinya wake nĩ mwanange.  2. Eka kũvũa ngũĩ na satani,  Eka kũvũa ngũĩ na satani,  Nthĩ yonthe nĩwanengiwe; Nĩwe mũsumbĩ wa yo.  3. O na yĩla Yovu watatiwe,  O na yĩla Yovu watatiwe,  Mũka wake ndamũtavisye; Ndũmũume Ngai waku.  4. Walea kũmwosa Yesũ ũmũnthĩ,  Walea kũmwosa Yesũ ũmũnthĩ,  Kwaku no ĩianĩ ya mwaki; Mũthenya ũsu vaikethĩwa tei.  (Amen)

275. NDŨKAKĨE NĨ NAKU

 NDŨKAKĨE NĨ NAKU (No never alone) 1. Ndukakĩe nĩ naku ninyie kyeni kyaku,  Ta kya ndata ila ntheu ngũmulĩkĩle,  O na kwĩna kĩvindu Yesũ easya ũũ; Ndũkakĩe nĩ naku ndikakũtia weka.  Yesũ ndakandia nyioka ndakandia,  Nĩwanengie watho ũũ nĩw’o, we ndakandia; Yesũ ndakandia nyioka, ndakandia,  Nĩwanengie watho ũũ, nĩw’o ndandia nyoka.   2. Malaa nĩ masyaawa maavova makoma,  Na syũa yĩkĩkena kũũ yayanĩ,  Yesũ nĩwe ĩlaa yĩtheasya mwene; Yesũ kyeni kya ĩtunĩ we ndakandia nyioka.  3. Ona yĩla kwĩ mbanga ila syĩvithĩte,  Yesũ akanzũvĩa nĩthwe n’ũtanu,  O ta nyũnyi ikwina ngoo yakwa nĩ ndanu,  Nĩngwina nĩ mũtanu nĩw'o ndandia nyioka.  (Amen)

276. KWA MUMO NGAI MŨTHEU

 KWA MUMO NGAI MŨTHEU (By grace are ye saved) 1. kwa mumo Ngai mũtheu,  Aetie ũtangĩĩo; Aetie kwa wendo wake,  Kwa ithyĩ amake Kwa mumo mwĩ athasye Mũĩkĩĩo, mũĩkĩĩo ti ũndũ waku we mwene,  Ti ũndũ waku we mwene: Ti wĩa wa mũndũ weekie kũũ nthĩ; Nĩ mũthĩnzĩo wa Ngai,  Mũthĩnzĩo wa Ngai.  2. Mumo ũsu waetiwe,  Nĩ mwana ũũ wa Ngai; Nĩwambiwe ngelan’yonĩ,  Twone mumo ũsu wa Ngai 3. Inywĩ ene naĩ Mwamũleile Yesũ; Ũsu waetie thayũ Mũkasilĩlwa vate tei.  4. Kwa onthe etĩkĩlĩ,  Yesũ nĩwe kyeni; Kya ithyĩ ma ũtangĩĩo,  Kya kũtwon’ya nzĩa ya Ngai.  (Amen)

277. VE ŨMWE YU MWENDWA W’ANDŨ

 VE ŨMWE YU MWENDWA W’ANDŨ (there is one above) 1. Ve ũmwe yu, mwendwa w’andũ,  Ũla wendete nthĩ yonthe,  Nĩwe Yesũ mũtwovosya,  Mwendwa wakwa, ndakandia.  Mwendwa wakwa, …mũnyanyawa E nakwa yu, …vakuvĩ yu,  4/4 Ngili nyingĩ, …iũngyĩ kwake; Yu nakwa nyie nĩ ngethwa vo.  2. Nĩ wakwa yu, nĩwangw’ĩĩe,  Na nĩwandangĩĩe nyie vyũ; Na nĩvoyaa na ũtanu Nũndũ Yesũ nĩ wakwa yu.  3. Nĩ wakwa yu, Mwĩaĩi Yesũ,  Ithyĩ tũtikataanĩsya; Na thayũ ũla nĩ naw’o Wumaa kwake, mũvonokya.  4. Mũthenya ũmwe wũkĩte,  Metho makwa makamwona: Na moko make makandwaa Kwake ĩtunĩ, Mwovosya.  (Amen)

278. LĨLĨ, NGOO, VE MŨTANGĨĨI

 LĨLĨ, NGOO, VE MŨTANGĨĨI (Hark my soul it is the lord) 1. Lĩlĩ, ngoo ve Mũtangĩĩi,  Ĩthukĩĩsye mwene tei; Yesũ nũkũkũly’atĩĩ,  Nũkũmbenda, mũndũ mwai? 2. Ninyie nakũthasya ndii,  Nakũvosya wĩ itau,  Waĩwa, nakwon’ya we,  Nakũthesya wĩ na naĩ.  3. Mũndũ mũka nde ĩnee Na mwana wasyaie? O n’akyũlwa nĩwe vyũ,  Ngakũlilikana nyie.  4. Nĩ tei ũtathela,  Wendo wakwa ndũalyũkaa,  Nĩ mũnene, nĩ mũvyũ,  Wĩ na vinya kwĩ kĩkw’ũ.  5. ũtaĩonĩ nĩvo nĩĩ,  Naku ũkavika vo,  Ũkekala vala nĩĩ,  Nũkũmbenda, mũndũ mwai.  (Amen)

279. YESŨ NĨ WENDO

 YESŨ NĨ WENDO (God is love) 1. Yesũ nĩ wendo,  Na nũmbendete,  Yesũ nĩ wendo,  Andangĩĩa.  Ĩngĩ nĩasy’ atĩĩ,  Yesũ nĩ wendo,  Yesũ nĩ wendo,  Andangĩĩa.  2. kwa ũndũ wakwa,  Atw’ĩka mũndũ,  Na anyamaw’a Andan’ye nyie.  3. kwa ũndũ wakwa,  Akw’a mũtĩnĩ,  Anthasye wathe Nĩthayũke.  4. Mwovosya wakwa,  E kũy’ ĩtunĩ,  Nĩngũmweteela Asyoke kũũ.  (Amen)

280. TŨI MŨNYANYA TA MWĨAĨI YESŨ

 TŨI MŨNYANYA TA MWĨAĨI YESŨ (There’s not a friend like the lowly Jesus) 1. Tũi na mũnyanya ta Mwĩaĩi Yesũ,  Vai ũmwe, vai ũmwe,  Mwene ũseo na wendo take,  Vai ũmwe, vai ũmwe Nĩtwendetwe nĩ Yesũ mũno,  Wendo wake ndwĩalyũlaa; Tũi na mũnyanya ta Mwĩaĩi Yesũ,  Vai ũmwe, vai ũmwe.  2. Nĩtũendanasya myũnthĩ yonthe,  Kĩla saa, kĩla saa; Na nũnũkwenda kũtũtetheesya,  Kĩla saa, kĩla saa.  3. Ve mũndũ ũmwe ũtiwa nĩwe? Vai ũmwe, vai ũmwe; Kana mũthũku ũtaekewa? Vai ũmwe, vai ũmwe.  4. Ve Mũtangĩĩi ũngĩ ta Yesũ,  Vai ũngĩ, vai ũngĩ; ũla ũtonya kwovosya andũ? Vai ũngĩ, vai ũngĩ.  (Amen)

281. YESŨ, MWANA WA NGAI

 YESŨ, MWANA WA NGAI (Jesus loves me, this I know) 1. Yesũ, mwana wa Ngai,  We nũtwendete mũno; Nĩwaumie kwake,  Ooka kũtũtangĩĩa.  Yesũ nũmbendaa,  Yesũ nũmbendaa,  Yesũ nũmbendaa,  Na wendo mũnene.  2. Ĩĩ, Yesũ nĩwokie Kũmantha andũ make; Nĩwambiwe mũtĩnĩ Aĩve mathiĩ maitũ.  3. Ngoo yakwa nĩmũnenga Ĩtw’ĩke nyũmba yake; Ndakathama vo ĩngĩ,  Nũndũ n’ũtũo wake.  (Amen)

282. NGAI NĨWAMBĨWĨE TEI

 NGAI NĨWAMBĨWĨE TEI (In tenderness He sought me) 1. Ngai nĩwambĩwĩe tei,  Yĩla naĩ wathenĩ; Ambonisye ĩvĩtyo Ya kũmũvũthĩĩsya.  Kũtiĩ kũũ nthĩ wendo ta ũũ Wa Yesũ kwia thayũ nthĩ.  Wendo waĩ mũnene: Aumya nthakame Andetee thayũ , aingw’ĩĩa nyie,  Yesũ andangĩĩe na wendo.  2. Ĩĩ, nĩw’o nĩ ũseo,  Ũvoo kũvika kũũ,  Nĩ wa kũtũtetheesya Nthĩnĩ wa ngoo sitũ.  Kũtiĩ kũũ nthĩ ndeto ta ii,  Yesũ nĩwe Mũtangĩĩi.  3. Yesũ aimantha andũ Ambĩthĩie wathenĩ; Na andekee mawathe,  Kwa ũũ nĩwakwie.  Kũtiĩ kũũ nthĩ mũyo ta ũũ,  Kũekewa naĩ syakwa vyũ.  (Amen)

283. VE ŨMWE ŨLA NĨMWENDAA

 VE ŨMWE ŨLA NĨMWENDAA (O how I love Jesus) 1. Ve ũmwe ũla nĩmwendaa Kwĩ andũ onthe ma kũũ nthĩ,  Nĩ Yesũ, ũ mũtũtangĩĩi,  Na nowe ũmbendaa nyie.  Nĩnĩmwendaa Yesũ,  Ĩĩ nĩnĩmwendete Nĩnĩmwendaa Yesũ Nũndũ ambendie mbee.  2. Aĩ na mũvw’anĩle wa Ngai,  Yĩla waĩ kwake ĩtunĩ,  Eenyivya mwene, ooka nthĩ Na wũmbe wa andũ kũũ.  3. Atwon’ya ĩthe wake Ngai Kwa meko make andũnĩ,  Na ĩndĩ aia thayũ nthĩ,  Nĩ kwondũ wa ene naĩ.  4. Asyũka e ĩtunĩ yu: Na onthe ala mamwosaa Manengawe ũtonyi vyũ W’ũtw’ĩka syana sya Ngai.  5. Twonan’yei ĩndĩ wendo ũũ Kwa kũmatavya angĩ,  Meth’we me wĩtĩkĩlonĩ O yĩla wĩũka kũũ.  (amen)

284. NGAI NĨ WENDO

 NGAI NĨ WENDO (God is love His word) 1. Ngai nĩ wendo nĩtũũsoma,  Ĩvukunĩ ve ũvoo: Ĩtu nayo na nthĩ kw’onthe Itwonasya ũũ nĩ w’o Alelũya, Ngai nĩ wendo Nũtwendete ithyonthe: Andũ onthe, ĩtĩkĩlai! Ngai nĩ wendo mũnene 2. Ngai nĩ wendo, nũtethasya,  Myũnthĩ yonthe e naitũ; Wendo ũkĩlĩte w’onthe,  Nũtũsũvĩaa ithyĩ.  3. Ngai nĩ wendo tavanasyai,  Nĩwaũmisye Yesũ,  Ũla wokie kũmantha Na kũtangĩĩa andũ.  4. Ngai nĩ wendo tei mũnene,  Atũekee mawathe Wendo wake nũũmanyĩka Ũndũ Yesũ wakw’ie.  (Amen)